Monday, September 10, 2012

પાંખો

કોઈએ આપી પાંખો કહે ઉડીતો જો જરા,
કેવું લાગે છે નાચવું હવાની લેહેરખી પર,
જો તો ખરો જરા.

ઉડી જા પેલા પંખીઓની સાથે સાથે,
પાંખે પાંખ મિલાવી વાતો કર ગગન સાથે,
પછી ભલે કોઈ એ વાતો સમઝે કે ના સમઝે.
વાતો કરવું કેવું લાગે છે કહે તો જરા.

ઉડી જા ગગનના છેડા સુધી,
પછી કહેજે મને પણ, ક્યાં પૂરું થયું આ આકાશ,
કેવી હતી એ ધરતી, ક્યાં આથમી ફરી ઉગ્યો આ સુરજ,
વાદળમાં ભીંજાવું કેવું લાગે છે, કહે તો જરા.

ઉડી જા રાત્રીના આકાશમાં,
નિશાએ કર્યો છે ચાંદલો ચન્દ્રસમો એના લલાટ પર.
ચંદ્રના કિરણમાં નહાવું કેવું લાગે છે, કહે તો જરા.

ઉડી જા, ઉડી જા, ક્યાંક કોઈ જોઈ ના લે,
પણ પાછો આવજે ખરો.
કહેજે મને પણ વાતો પેલા પંખીની,
પેલી ધરતીની, પેલા ચંદ્રના કિરણની,
કેવી હશે આ વાતો,
અમે પણ તો સાંભળીયે જરા.

© 2012 Abhijit Pandit