Tuesday, September 11, 2012

તારી યાદમાં

તારી યાદમાં ગીત સ્ફૂર્યું.... લખ્યું.
ઉઠાવી કલમ, ભરી શ્યાહી,
આજ તો અક્ષરોએ પણ શ્યાહીના રંગે નહિ લીધું,
તારી યાદમાં ગીત સ્ફૂર્યું.... લખ્યું.

અક્ષરો છલકાયા દરેક લીટીના અંતે,
અર્થો જાગ્યા દરેક અક્ષરોના કંઠે.
ધોળા કાગળ પર મારું આ ચિતરામણ,
એક ગીત થઇ ના ઉભર્યું,
તારી યાદમાં ગીત સ્ફૂર્યું. લખ્યું.

લખતા તો લખાઈ ગયું એક સરસ મઝાનું ગીત.
તારી યાદની ભીનાશ લઇ ને, સુગંધિત કરી ગયો એ આખો કાગળ.
શીર્ષક બન્યું જાણે પેલા વાળ વચ્ચે વેહેતી સેંથી,
પંક્તિઓ બની તારા વાળની લટો જાણે.
ઝુલતા ઝુલતા જેમાંથી ટપકવા માંડ્યા પેલા અક્ષરોના બિંદુ.
આજ તો કાગળ પણ તને જોવાનું દર્પણ બની ગયું.
તારી યાદમાં ગીત સ્ફૂર્યું.... લખ્યું.


© 2012 Abhijit Pandit