Monday, September 10, 2012

દીવો

દીવો છુ. બળી રહ્યો છુ.
કોઈને રોશનીતો આપી રહ્યો છું.
જ્યાં સુધી નથી બળતો ત્યાં સુધી જનમતો નથી.
જ્યાં સુધી નથી હોલવાઈ જતો ત્યાં સુધી મરતો નથી.
જીવન અને મરણ વચ્ચેનો પ્રવાસ હું બળીને પૂરો કરું છુ.

કેવું છે જીવન મારું જુઓતો ખરા જરા.
નીચે અંધારું પથરાયું છે, ઉપર અજવાળું,
ને આજુબાજુ મારુજ તેજ પ્રસરી રહ્યું છે.
બળવામાં પણ કેટલી મઝા છે ખબર છે તમને?
કે બળીને રોશની આપવી એજ લક્ષ્ય છે મારું.

જરાક અમસ્તો વાગતો પવનનો ઝોકો,
અને હું હોલવાઈ જતો, એવો મને ભય સતાવતો.
પણ ધુમાડો થઇને પ્રસરી જઈશ એ ય ખબર છે મને.
દીવો છું. બળી રહ્યો છું.

© 2012 Abhijit Pandit